Æртхъирæны мæйы 17-æм бон Республикæ Хуссар Ирыстоны Президент Гаглойты Алан фембæлд Республикæ Абхазы Фæсарæйнаг хъуыддæгты министр Олег Барцицимæ.
Фембæлды ма хайад райстой РХИ-йы Фæсарæйнаг хъуыддæгты министры хæстæ æххæстгæнæг Джиоты Æхсар, Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Алан, Республикæ Абхазы Фæсарæйнаг хъуыддæгты министры хæдивæг Одиссей Бигвава, Республикæ Абхазы ФХъМ-йы Стратегион æмгуыстады департаменты сæрдар Джемал Бганба.
Гаглойты Алан банысан кодта Хуссар Ирыстон æмæ Абхазы ‘хсæн ахастыты бæрзонд æмвæзад, кæцы бындуриуæг кæны хæларады принциптæ æмæ Уæрæсейы Федерациимæ стратегион партнерадыл.
Олег Барциц бузныджы ныхæстæ загъта Президентæн æмæ банысан кодта, Абхази æмæ Хуссар Ирыстонæн кæй ис иухуызон позици æхсæнадæмон фарстаты.
Фембæлды рæстæджы ма ацыд схорзæх кæныны церемони.
Республикæ Хуссар Ирыстоны Президенты Барамындмæ гæсгæ Республикæ Хуссар Ирыстон æмæ Республикæ Абхазы адæмты 'хсæн ахастытæ сфидар кæнынмæ уæзгæ хайбавæрды тыххæй Республикæ Абхазы Фæсарæйнаг хъуыддæгты министр Олег Барциц хорзæхджын æрцыд Хæлардзинады Орденæй.
Одиссей Бигвава æмæ Джемал Бганба хорзæхджын æрцыдысты «Республикæ Хуссар Ирыстоныл 35 азы» майдантæй.
2026 азы æртхъирæны мæйы 17-æм бон