Æртхъирæны мæйы 17-æм бон Республикæ Хуссар Ирыстоны Фæсарæйнаг хъуыддæгты министрады ацыд Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсары æмæ Абхазы Фæсарæйнаг хъуыддæгты министр Олег Барцицы фембæлд.
Хуссар Ирыстоны фарсæрдыгæй фемæлды хайад райстой Фæсарæйнаг хъуыддæгты министры Хæдивæг Бигъуылаты Инна, Министры Уынаффæгæнæг Тадтаты Сергей, Министрады Барадон управленийы Сæрдар Минасов Константин, Æддагполитикон бастдзинæдты управленийы Сæрдар Джиджджойты Таймураз, абхазаг фарсæрдыгæй – Фæсарæйнаг хъуыддæгты министры Хæдивæг Одиссей Бигвава, Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Алан, Министры Æххуысгæнæг Дмитрий Амичба, Стратегион æмгуыстады департаменты Сæрдар Джемал Бганба, Финансон департаменты Сæрдар Владимир Хашиг, Паддзахадон протоколы департаменты референт Саид Тарба.
Ныхасы рæстæджы дыууæ фарс дæр стыр аргъ скодтой хæларадон хуссарирыстойнаг-абхазаг ахастытæн, равдыстæуыд цæттæдзинад сæ дарддæры размæдзыдмæ. Æрдзырдæуыд дывæрсон бастдзинæдтæ ауæрæх кæныны фарстатæ æмæ æддагполитикон аренæйы æмархайд сфидар кæныны фæдыл.
Фембæлды фæлгæтты Джиоты Æхсар æмæ Олег Барциц бафыстой Республикæ Хуссар Ирыстоны Фæсарæйнаг хъуыддæгты министрад æмæ Республикæ Абхазы Фæсарæйнаг хъуыддæгты министрады 'хсæн 2026-2027 азтæм Консультациты пълан.
Фембæлды фæуд Æддагполитикон уагдæтты Сæргълæуджытæ кæрæдзийæн раттой зæрдылдарæн лæвæрттæ.
2026 азы æртхъирæны мæйы 17-æм бон