Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Хуссар Ирыстоны Фæсарæйнаг хъуыддæгты экс-министр Джиоты Мурæтмæ юбилейы цытæн.
Сæрмагондæй, арфæйы дзырдæуы:
«Æнæдызæрдыгæй дæ нымайынц хуссарирыстойнаг дипломатийы символыл, дæ политик, ахуыргонд, кæцыйы цардвæндаг у бæстæ æмæ адæмæн кад кæныны ирд дæнцæг. Цытджын Мурæт Кузьмайы фырт, ды хайджын дæ куырыхондзинад æмæ æцæг патриотизмы миниуджытæй æмæ дын ис æгæрон авторитет де ‘мзæххонтæ, стыр цыт дæ коллегæтæ æмæ æхсæнадæмон партнерты ‘хсæн.
Дæ зонындзинæдтæ, æгъдау, фæразондзинад æмæ быхсынад бирæ азты дæргъы ахъаз уыдысты Республикæ Хуссар Ирыстоны Фæсарæйнаг хъуыддæгты министрад æмæ йæ фæсарæйнаг уагдæтты фæстиуæгджын куыстæн. Абоны бон дæ уагдоны кусджытæ æмæ ветерантæ нымайынц Зондамонæгыл, дæ хисæрмагонд æмæ хъуыддагон миниуджытæ та сты дæнцæг хуссарирыстойнаг дипломатты ног фæлтæртæн».