Фыдыбæстæ хъахъхъæнджыты Мысæн боны охыл Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста нотæ Республикæ Абхазы Фæсарæйнаг хъуыддæгты министр О.М. Барцицмæ.
Сæрмагондæй, нотæйы дзырдæуы:
«33 азы размæ абхазаг адæмы бахъуыд гуырдзиаг фашизмы ныхмæ тугкалæн тохы слæууын. Æгъатыр хæстон архайдтыты фæстиуæгæн фæмард сты Абхазы мингай æнаххос цæрджытæ, пырхæнтæ фестадысты культурон æмæ историон цыртдзæвæнтæ.
Фæлæ уыцы уæззау уавæртæм нæкæсгæйæ, Апсныйы хъайтар адæм, хъæддыхдзинад, монон фидардзинад æмæ æнгомдзинад равдисгæйæ, слæууыдысты сæ зæхх, сæрибардзинад æмæ сæ сывæллæтты сабыр фидæны сæрвæлтау тохы».