Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Хуссар Ирыстоны Уæлвæткон æмæ Æххæстбарджын Минæвар Уæрæсейы Федерацийы Гасситы Знауырмæ юбилейы цытæн.
Сæрмагондæй, арфæйы дзырдæуы:
«Бирæ азты дæргъы уæхскуæзæй архайыс Хуссар Ирыстон æмæ йæ адæмы хæрзиуæгæн. Дæ адæймаджы миниуджытæ æмæ куысты фæрцы дын ис бæрзонд авторитет дæ коллегæты æмæ æмбæстæгты ‘хсæн.
Æгæрон у дæ хайбавæрд Хуссар Ирыстон æмæ Уæрæсейы ‘хсæн дывæрсон æмархайды размæдзыд, интеграци арфдæр кæныны хъуыддагмæ».