Тæргæйтты мæйы 29-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста I Æхсæнадæмон зонадон-практикон конференци «Тибиловские чтения»-йы, кæцы ацыд Хуссар Ирыстоны Паддзахадон университеты.
Мадзал ацыд Университеты бындурæвæрджытæй иу, рухстауæг, ахуыргонд, зынгæ æхсæнадон архайæг Тыбылты Алыксандыры Райгуырæн боны цытæн.
Джиоты Æхсар бакаст Хуссар Ирыстоны Президент Гаглойты Аланы арфæ конференцийы хайадисджытæн, кæцыйы, сæрмагондæй, дзырд цæуы Тыбылты Алыксандыры хайбавæрдыл Хуссар Ирыстоны ахуырады райрæзты хъуыддагмæ.
Конференцийы хайадисджыты нымæцы Цæгат Ирыстон, Кæсæг-Балхъар, Абхаз, Донецкы Адæмон Республикæ æмæ Луганскы Адæмон Республикæ.
Цхинвал, 2024 азы тæргæйтты мæйы 29-æм бон