Майрæмты мæйы 7-8 бонты Республикæ Хуссар Ирыстоны ацыдысты Хуссар Ирыстоны ныхмæ Гуырдзыстоны хæстон агрессийæ 15 азы рацыды охыл мысæн мадзæлттæ.
Майрæмты мæйы 7-æм бон Национ музейы ацыд нывты равдыст «08.08.08 – 08.08.23», афтæмæй ма Хетæгкаты Къостайы номыл Паддзахадон драмон театры 1920 азы ирæтты геноциды тыххæй спектакль «Фæстаг æвдисæн». Уый фæстæ мемориалон комплекс «Хуссар Ирыстоны хъахъхъæнджытæн»-ы раз ацыд мысæн церемони, кæцыйы рæстæджы адæм æвæрдой дидинтæ мемориалмæ, ссыгътой цырæгътæ, фæмардуæвджыты рухс ном ссардтой минут æдзæмæй алæугæйæ.
Майрæмты мæйы 8-æм бон сæвæрдæуыд дидинтæ Хуссар Ирыстоны хъахъхъæнджытæ цы бынæтты фæмард сты, уырдæм, се ‘хсæн Тъбеты хъæуы «Сыгъд удты музейы» централон монумент- «Хъынцъымы бæласмæ». Сыгъдæг Мады Майрæмы æмæ Сыгъдæг Æртæиуоны аргъуанты ссардтой майрæмты мæйы хæсты амæттæгты рухс нæмттæ.
Мысæн мадзæлтты райстой хайад Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ.
Цхинвал, 2023 азы майрæмты мæйы 8-æм бон