Хуссар Ирыстоны æддагон политикæйы ахсджиагдæр хæсты фæдыл
Хуссар Ирыстоны хæдбардзинад цы бæстæтæ банымадтой, уыдон нымæц ауæрæх кæныны фарста у республикæйы æддагполитикон стратегийы ахсджиагдæр здæхт.
Хуссар Ирыстоны æддагполитикон уагдон дарддæр дæр активонæй кусдзæн уыцы бæстæтимæ, кæцытимæ ис дипломатон ахастытæ. Афтæмæй ма йæ разы æвæры хæс, цæмæй республикæйы хæдбардзинад фылдæр бæстæтæ банымайой æмæ хæларадон æхсæнадæмон фæзуаттыл бастдзинæдтæ размæ кæна.
Нæ республикæйы æддагполитикон курсы сæйраг здæхт нæ фæивдзæн. Дзырд цæуы нæ республикæйы паддзахаддзинад фидар кæнын, афтæмæй ма нæ республикæ æмæ æмтгæй райсгæйæ регионы æдасдзинад æмæ стабилондзинады иунæг гарант Уæрæсейы Федерациимæ стратегион партнерад размæ кæнын æмæ интеграцион процесстæ уæрæх кæнын.
Æддагон политикæйы фадыджы республикæйæн сæйрагдæр здæхтытæ сты Хуссар Ирыстоны æддагон размæдзыдæн аразын æппæт уавæртæ, хъахъхъæнын йе 'дасдзинад æмæ æхсæнадæмон аренæйы йæ национ интерестæ.
Æнæдызæрдыгæй, нæ куысты ахсджиаг здæхтытæ сты уæвæг æхсæнадæмон форматты сабырадон диалог размæ кæнын, дунеон æмæхсæнадмæ республикæйы тыххæй раст информаци хæццæ кæнын, уый нымæцы ирон адæмы геноциды æхсæнадæмон банымадæн ахъаз уын, æмæ агурын ног фæндæгтæ, цæмæй республикæ хайад иса нырыккон æхсæнадæмон процессты.
Æвзæрстыты æхсæнадæмон цæстдарджыты фæдыл
Хуссар Ирыстоны Президенты æвзæрстыты хайад райстой 15 бæстæйæ 60 æхсæнадæмон цæстдарæджы. Уый дзурæг у ууыл, æмæ сын Хуссар Ирыстон у цымыдисаг. ИНО-йы уагæвæрды бындурон принциптæн чи аргъ кæны, æппæт уыдонимæ мах цæттæ стæм æмгуыстадмæ.
https://tass.ru/mezhdunarodnaya-panorama/28196331
Гуырдзыстонимæ дывæрсон баныхасы фæдыл
Æввахс фидæны Хуссар Ирыстон æмæ Гуырдзыстоны 'хсæн æмбар дывæрсон баныхасыл куы дзурæм, уæд банысан кæндзыстæм уый, æмæ абоны бон гуырдзиаг фарсы 'рдыгæй уымæ нæ уынæм ницы къахдзæфтæ. Тбилисы æдзухон систы фидиуæнтæ, кæцытæ æввахс сты Гамсахурдиа-Саакашвилийы рæстæджыты лозунгтæм. Хъыгагæн, Гуырдзыстон ныма цæттæ нæу немæ æмбар диалогмæ.
Цалынмæ æдзухон фембæлдтытæ цæуынц, уæдмæ компромисс ссарынæн ис цыдæр ныфс. Фæлæ уый тыххæй хъæуы равдисын цæттæдзинад конструктивон диалогмæ.
https://tass.ru/mezhdunarodnaya-panorama/28192193
Цæуылнæ скъуыддзаг кæны Фæскавказы конфликт
Æрбæстон кæныны хъуыддаджы сæйраг цæлхдур у, Гуырдзыстон кæй нæ нымайы сæвзæргæ геополитикон уавæр æмæ Тбилис разы кæй нæу Хуссар Ирыстоны ныхмæ тыхæй ма спайда кæныны фæдыл документ бафыссынмæ.
Гуырдзыстоны ‘рдыгæй Хуссар Ирыстон æмæ Абхазы 'рдæм тыхæй ма спайда кæныны фæдыл юрикикон хæсджынгæнæг документы бафыст республикæтæн у ахсджиагдæр.
https://tass.ru/mezhdunarodnaya-panorama/28196275
Фæскавказы æдасдзинады фæдыл æхсæнадæмон дискусситы тыххæй
Фæскавказы æдасдзинад æмæ стабилондзинады фæдыл æхсæнадæмон дискусситæ абоны бон сты иунæг ахæм фæзуат, кæцыйы фæрцы цæуы комкоммæ диалог Хуссар Ирыстон, Абхаз æмæ Гуырдзыстоны минæвæртты 'хсæн.
Зын геополитикон уавæры ацы формат ахъаз у регионы стабилондзинад бахъахъхъæнынæн. Йæ ахадындзинад зыны Инциденттæ аиуварс кæнын æмæ сæм афоныл хъус æрдарыны фæдыл иумæйаг механизмы куысты, кæцыйы фæрцы скъуыддзаг цæуынц гуманитарон фарстатæ æмæ арæнгæрон хъахъхъæд цæуы æдасдзинад.
https://tass.ru/mezhdunarodnaya-panorama/28196379
Республикæ Хуссар Ирыстон, Уæрæсе æмæ Республикæ Абхазы 'хсæн æмархайды фæдыл
Кæфты мæйы 1-æм бон Мæскуыйы ацыд Уæрæсейы Фæсарæйнаг хъуыддæгты министр Сергей Лавров æмæ Абхазы Фæсарæйнаг хъуыддæгты министр Олег Барцицимæ фембæлд. Æрдзырдæуыд дывæрсон æмæ æртæфарсон фæткы ахсджиаг фарстатыл, кæцытæ здæхт сты æмцæдисад, регионалон стабилондзинад æмæ æдасдзинад сфидар кæнынмæ.
Фембæлды рæстæджы æртæ фарс дæр равдыстой сæ иумæйаг позици, кæцымæ гæсгæ æнæмæнг сты Гуырдзыстоны 'рдыгæй тыхæй ма спайда кæныны фæдыл барадон документы бафыст, афтæмæй ма паддзахадон арæнтæн æхсæнадæмон-барадон хуыз раттыны фæдыл куыст райдайыны ахсджиагдзинад. Геополитикон фарстатæй дарддæр æрдзырдæуыд базарадон-экономикон æмæ инвестицион æмгуыстадыл.
Фембæлдтыты рæстæджы сæйраг хъусдард аздæхтæуыд бадзырдадты реализацийы фарстатæм. Регионалон æдасдзинады фæдыл дискуссийы ахсджиаг здæхт ссис Фæскавказы æдасдзинад æмæ стабилондзинады фæдыл æхсæнадæмон дискусситы фæлгæтты иумæйаг куыст.
Нæ дарддæры дипломатон æмгуыстады сæйраг здæхтытæ суыдзысты æхсæнадæмон аренæйы нæ республикæты позицитæ фидар кæнынæн æнгом æддагполитикон координаци, регионы стабилондзинады хъахъхъæнынад, æхсæнпаддзахадон бадзырдон-барадон бындуры уæрæхкæнынад, афтæмæй ма гуманитарон бастдзинæдты райрæзт культурæ, зонад æмæ спорты фадыджы æмархайды уылтыл.