ИНО-йы Генералон Ассамблейы 81-æм сессийы бæрзонд æмвæзады къуырийы фæлгæтты саммиты рæстæджы Гуырдзыстоны премьер-министр И. Кобахидзейы ‘рдыгæй загъд афтæ хуыйнæг оккупацийы фæдыл радон тезистæ нæ уыдысты æнæнхъæлæджы. Хъыгагæн, Тбилисы позици нæ фæивта. Историон æцæгдзинадыл сразы уын æмæ ивгъуыды трагикон цауты фæдыл бæрндзинад райсыны бæсты, гуырдзиаг къухдариуæгад дарддæр пайда кæны «Гуырдзыстоны территорийы 20% оккупаци»-йы фæдыл таурæгъæй.
Кобахидзейæн йæ зæрдыл лæууын кæнæм, Хуссар Ирыстон кæй никуы уыд «гуырдзыстоны территори»-йы хай уыцы нысаниуæджы, кæцы хъары Тбилис. Республикæ Хуссар Ирыстоны хæдбардзинад у хуссарирыстойнаг адæмы сæ цард æмæ æдасдзинады сæрыл бирæазон тохы фæстиуæг.
Æхсæнадæмон фæзуатты аххосджын кæныны бæсты, гуырдзиаг къухдариуæгадæн хорз уаид æцæг къахдзæфтæм аздахын сæ хъусдард: тыхæй ма спайда кæныны фæдыл юридикон æгъдауæй хæсджынгæнæг документы бафыст æмæ паддзахадон арæны делимитацийы процесс райдайын. Уый уаид иунæг фæндаг регионы стабилондзинадмæ.
Цалынмæ Тбилис архайа политикон уавæр ын куыд амоны, афтæ, уæдмæ ахæм фидиуæнтæ дзурæг уыдзысты ууыл, æмæ гуырдзиаг къухдариуæг кæй нæу цæттæ Цхинвалимæ æргом æмæ æмбар диалогмæ.
2026 азы рухæны мæйы 23-æм бон