Æртхъирæны мæйы 10-æм бон видеоконференцийы хуызы ацыд Республикæ Хуссар Ирыстоны Фæсарæйнаг хъуыддæгты министрады цур Æвзонг дипломатты советы æмæ Приднестроваг Молдаваг Республикæйы Фæсарæйнаг хъуыддæгты министрады цур Æвзонг дипломатты советы 'хсæн Æмгуыстады фæдыл меморандумы бафыст.
Республикæ Хуссар Ирыстоны ФХъМ-йы цур ÆДС-йы фарсæрдыгæй документ æрфыста Советы Сæрдар Санахъоты Алексей, Приднестроваг Молдаваг Республикæйы ФХъМ-йы цур ÆДС-йы фарсæрдыгæй – Советы Сæрдар Кирилл Шидловский.
Санахъоты Алексей йæ раныхасы раарфæ кодта йæ коллегæтæн Дипломатон кусæджы боны фæдыл, кæцы ПМР-йы нысан цæуы æртхъирæны мæйы 10-æм бон. Афтæмæй ма Санахъоты Алексей ныфс дары, Æмгуыстады фæдыл меморандумы бафыст Республикæ Хуссар Ирыстоны ФХъМ-йы Æвзонг дипломатты совет æмæ Приднестроваг Молдаваг Республикæйы ФХъМ-йы Æвзонг дипломатты советы 'хсæн кæй суыдзæн ахастыты дарддæры размæдзыды бындур.
Приднестровьейы ФХъМ-йы ÆДС-йы Сæрдар Кирилл Шидловский бахахх кодта Æвзонг дипломатты советы форматы ахсджиагдзинад, афтæмæй ма банысан кодта, куыд Советты, афтæ Республикæты 'хсæн æмгуыстады размæдзыды ахсджиагдзинад.
2026 азы æртхъирæны мæйы 11-æм бон