Республикæ Никарагуайы ‘рдыгæй Республикæ Хуссар Ирыстоны Хæдбардзинады банымады бонæй 16 азы рацыды цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Никарагуайы Фæсарæйнаг хъуыддæгты министр Денис Роналдо Монкада Колиндресмæ.
Сæрмагондæй, арфæйы дзырдæуы:
«2008 азы рухæны мæйы 3-æм бон Республикæ Никарагуайы ‘рдыгæй Республикæ Хуссар Ирыстоны Хæдбардзинады банымад ссис ирон адæмы историйы æцæгдæр ахсджиаг цау, кæцыйы фæрцы сын фæзынд сæрибар æмæ хæдбарæй цæрыны бар.
Хуссар Ирыстоны алыхатт дæр бузныг уыдзысты Никарагуайы къухдариуæгад æмæ адæмæй, уæззау рæстæджы æххуысы къух кæй фæдаргъ кодтой, уый тыххæй».