Цыппурсы мæйы 22-æм бон ацыд Хуссар Ирыстон æмæ Никарагуайы сывæллæтты шахмæтты командæты онлайн-турнир тагъд шахмæттæй.
Онлайн-турнир уагъд æрцыд Республикæ Хуссар Ирыстоны Фæсарæйнаг хъуыддæгты министрады хъæппæрисæй.
Шахмæтты федерациты фарсæрдыгæй мадзалы хайад райстой Хуссар Ирыстоны Шахмæтты федерацийы сæрдар Сæулохты Георгий æмæ Никарагуайы Ахуырады министрады Шахмæтты программæйы национ директор Памела Арларкон.
Хуссар Ирыстоны Фæсарæйнаг хъуыддæгты министры Уынаффæгæнæг Коцты Зарина турниры райдианы раарфæ кодта хайадисджытæн æмæ сын йæ зæрдæ загъта цымыдисон хъазт.
Памела Арларкон дæр Хицауад æмæ Президент Даниэль Ортегайы номæй арфæйы ныхæстæ загъта турниры хайадисджытæн æмæ банысан кодта, зæгъгæ, шахмæттæн нæй арæнтæ, уыдон иу кæнынц адæмы, сты дыууæ бæстæйы хæларад, æхсæнкультурон бастдзинæдтæ æмæ дипломатийы æвдисæн.
Хæларадон турниры фæуæлахиз Никарагуайы командæ.
Хуссар Ирыстон æмæ Никарагуайы минæвæрттæ равдыстой сæ разыдзинад ахæм ерыстæ дарддæр кæныны фæдыл.
Цхинвал, 2023 азы цыппурсы мæйы 23-æм бон