Куыд рабæрæг, афтæмæй рухæны мæйы 19-æм бон сахар Дзæуджыхъæуы ацыд УФ-йы Базарадон-сæудæджерадон палатæйы цур Уæрæсейаг-Гуырдзиаг хъуыддагон советы рацæугæ рабадт, кæцы сырæзт 2023 азы æртхъирæны мæйы. Ацы мадзалы фæуды фæстæ кæцыдæр интернет фæрæзтæ фехъусын кодтой, ома, рабадты рæстæджы загъдæуыд «Хуссар Ирыстоны уылтыл фæндаг бакæныны» хъуыды. Уыимæ иумæ хъæуы банысан кæнын, Уæрæсейаг-Гуырдзиаг хъуыддагон советы официалон сайтыл ацы фарсты кой кæй нæй.
Фæскавказы, сæ нымæцы Хуссар Ирыстоны территорийы уылтыл уæлæмхасæн транспортон коридорты баконды фарстæн ис йæхи истори. Зæрдыл лæууын кæнæм, 2011 азы джеоргуыбайы мæйы бафыст кæй æрцыд таможнæйон механизмы сæйраг принципты æмæ товартæй базар кæнынмæ хъус дарыны фæдыл дывæрсон уæрæсейаг-гуырдзиаг бадзырд, кæцы ахæм фадат дæтты.
Республикæ Хуссар Ирыстоны суверенон территорийыл æндавæг транзитон проектты реализацийы хъуыддаджы алы фарсы къахдзæфтæ дæр бæрæг кæнынц, Хуссар Ирыстоны сæ цас растыл нымайынц, уымæй, æмæ, кæй зæгъын æй хъæуы, паддзахады хицауадимæ комкоммæ баныхæсты руаджы, кæцыты фæстæ сæвзæргæ нормативон-барадон бындуры Республикæ Хуссар Ирыстон æвдыст æрцæудзæн æрмæстдæр куыд проекты реализацийы æмбар хайадисæг.
Цхинвал, 2023 азы рухæны мæйы 23-æм бон