15 июлы Республикæ Хуссар Ирыстоны Президент Тыбылты Леонид фембæлдис Республикæ Хуссар Ирыстоны Фæсарæйнаг хъуыддæгты министр Цхуырбаты Казбулатимæ æмæ Уæрæсейы Федерацийы Республикæ Хуссар Ирыстоны Уæлрадон æмæ Æххæстбарджын Минæвар Гасситы Знауримæ.
Фембæлды рæстæджы æруынаффæ кодтой Министрадмæ хауæг фарстатл, банысан кодтой ног хæстæ æмæ сæ сæххæст кæныны курсы фæдыл.
Паддзахады сæргълæууæг банысан кодта, зæгъгæ, Республикæйы иууыл вазыгджындæр уагдæттæй сæ иу – Фæсарæйнаг хъуыддæгты министрады архад здæхт хъуамæ уа Хуссар Ирыстоны паддзахиуæгад фидар кæнынмæ æмæ Республикæйы кад бæрзонддæр кæнынмæ, куыд уæрæсейаг тыгъдады, афтæ дунеон æмвæзады дæр. Уымæй дарддæр ма Президент бацамыдта, цæмæй æввахсдæр бонты бакуыстауа иннæ минæвæрттимæ æмæ Хуссар Ирыстоны æхсæнпаддзахадон ахастытæ хорз кæимæ цæуынц, уыдонимæ фембæлдтытæ организаци кæныныл дæр.
Фæсарæйнаг хъуыддæгты министр Цхуырбаты Казбулат йæхи фарсы ‘рдыгæй банысан кодта, зæгъгæ, ацы бонты йæ уагдоны цы æмбырдтæ уагъд æрцыдысты, уыдоны нысан æрцыдысты ахæм фыццаградон хæстæ, кæцытæ хауынц Республикæйы æттагонполитикон курс æххæст кæнынмæ. Рауæрæхгонд æмбырды цыды рæстæджы ма, - зæгъы дарддæр Министр, Фæсарæйнаг хъуыддæгты министрады коллектив базонгæ УФ РХИ Минæваримæ дæр.
Цхинвал, 2015 азы 15 июль