Сообщения МИД РЮО

Archive
Нарим Козаев и Арлетт Маренко

Сусæны мæйы 17-æм бон Манагуамæ балцы фæлгæтты Сандинистон революцийы фæуæлахизы фæдыл бæрæгбонон мадзæлттæм ацыд Хуссар Ирыстоны Уæлвæткон æмæ Æххæстбарджын Минæвар Никарагуайы Козаты Наримы фембæлд Никарагуайы Фæсарæйнаг хъуыддæгты министры Хæдивæг Арлетт Маренкоимæ.

Фембæлды рæстæджы Козаты Нарим раарфæ кодта Никарагуайы адæмæн Сандинистон революцийы фæуæлахизæй 44 азы рацыды цытæн æмæ Хуссар Ирыстоны адæмы номæй загъта зæрдæбын арфæтæ.

Дыууæ Фарс дæр æрдзырдтой дывæрсон æмгуыстады ныры уавæр æмæ йæ дарддæры райрæзтыл.

Цхинвал, 2023 азы сусæны мæйы 18-æм бон

Форум молодых дипломатов стран Евразии в Горно-Алтайске

Сусæны мæйы 11-15 бонты Республикæ Хуссар Ирыстоны Фæсарæйнаг хъуыддæгты министрады кусджытæ хайад райстой Евразийы бæстæты Æвзонг дипломатты форумы, кæцы ацыд фестиваль «Манжерок»-ы фæлгæтты Хæххон-Алтайскы.

Мадзалы организатортæ уыдысты Уæрæсейы Фæсарæйнаг хъуыддæгты министрады Æвзонг дипломатты совет Россотрудничество, парти «Иугонд Уæрæсе» æмæ Республикæ Алтайы Хицауадимæ иумæ.

Церемония возложения венков и цветов к Стеле памяти солдат и офицеров миротворческих сил

Хуссар Ирыстоны бæрæг кæнынц Фидауынгæнæджы бон.

1992 азы хурхæтæны мæйы 24-æм бон Уæрæсейы, Гуырдзыстоны, Цæгат æмæ Хуссар Ирыстоны сæргълæуджыты къухæй бафыстгонд гуырдзиаг-ирон конфликт æрбæстон кæныны сæйраг принципты фæдыл Фидыдыл бындуриуæггæнгæйæ, 1992 азы сусæны мæйы 14-æм бон Республикæ Хуссар Ирыстоны территоримæ конд æрцыдысты Сабырад бавæрыны æмхæццæ тыхтæ.

16 азы дæргъы æххæстгонд цыд фидауынгæнæн операци, æмæ уыцы уæрæсейаг, ирон æмæ гуырдзиаг батальонтæй арæзт хæстон тыхтæ æндыгъд уавæрты уыдысты сабырад æмæ æдасдзинады æппæты фидардæр гарант.

Женевские дискуссии

2023 азы сусæны мæйы 11-12 бонты Женевæйы ацыд Фæскавказы æдасдзинады фæдыл æхсæнадæмон дискусситы радон раунд. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, Америкæйы Иугонд Штатты делегацитæ, афтæмæй ма Европæйы Цæдисы, Иугонд Нациты Организацийы (ИНО) æмæ Европæйы Æдасдзинад æмæ æмгуыстады фæдыл организацийы (ЕÆÆО) минæвæрттæ. Хуссарирыстойнаг делегацийы сæргъ лæууыд Президенты Паддзахадон уынаффæгæнæг Коцты Константин.

Дискусситæ цыдысты дыууæ кусæгон къорды: æдасдзинады æмæ гуманитарон фарстыты фæдыл.

Бурхан Хоситы, Андрей Буравов и Алексей Швед

Сусæны мæйы 7-æм бон Республикæ Хуссар Ирыстоны Фæсарæйнаг хъуыддæгты министрады Æххæстбарджын Минæвар Туркаг Республикæйы Хоситы Бурхан Уæрæсейы Генералон Консул Стамбулы Андрей Буравовы хуындæй хайад райста «Уæрæсейы хæлæртты клубы» рабадты Стамбулы.

Мадзалы ма хайад райстой Республикæ Абхазы Æххæстбарджын Минæвар Турчы Республикæйы Ибрахим Авидзба æмæ Турчы Абхазаг культурон центрты федерацийы Минæвар Мурат Махария, афтæмæй ма Республикæ Беларусы Генералон Консул Стамбулы Алексей Швед.

Торжественное мероприятие по случаю 7-й годовщины подписания Соглашения между Южной Осетией и Россией о порядке формирования и деятельности СИКЦ органов внутренних дел

Сусæны мæйы 3-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Хуссар Ирыстон æмæ Уæрæсейы ‘хсæн Мидхъуыддæгты органты Иумæйаг информацион- координацион центры (ИИКЦ) сырæзты æмæ архайды фæткы фæдыл Фидыды бафыстæй 7 азы рацыды охыл цытджын æмбырды.

Мадзалы хайад райстой Хуссар Ирыстоны Президент Гаглойты Алан, Хуссар Ирыстоны Хицауады Сæрдар Джуссойты Константин, Уæрæсейы Минæвар Хуссар Ирыстоны Марат Кулахметов, тыхон уагдæтты къухдариуæггæнджытæ.

Вечер абхазской культуры в Стамбуле

Хурхæтæны мæйы 25-æм бон Республикæ Хуссар Ирыстоны Фæсарæйнаг хъуыддæгты министрады Æххæстбарджын Минæвар Туркаг Республикæйы Хоситы Бурхан Абхазаг культурон ассоциацийы хуындæй хайад райста Абхазы культурæйы изæры, кæцы ацыд Культурон центр «Süleyman Seba» -йы, Стамбулы.

Мадзалы ма хайад райста Турчы ирæтты æхсæнад «Алан»-ы сæргълæууæг Хъуысаты Садреттин.

Цхинвал, 2023 азы хурхæтæны мæйы 23-æм бон 

Круглый стол в Бресте

Хурхæтæны мæйы 22 -æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Республикæ Хуссар Ирыстоны Уæлвæткон æмæ Æххæстбарджын Минæвар Уæрæсейы Федерацийы Гасситы Знауыр хайад райстой Стыр Фыдыбæстæйон хæсты æмæ Бресты (Беларусь) белоруссаг адæмы геноциды амæттæгты Æппæтадæмон мысæн боны охыл тымбыл фынджы куысты, кæцы ацыд ахæм форматы, куыд «Минск- Брест- Мæскуы».

Вечный огонь

Хурхæтæны мæйы 22-æм бон Республикæ Хуссар Ирыстоны Фæсарæйнаг хъуыддæгты министрады кусджытæ хайад райстой Стыр Фыдыбæстæйон хæсты райдайæнæй 82 азы рацыды охыл Цхинвалы Кады Аллейы Æнусон артмæ дидинтæ æмæ веноктæ сæвæрыны церемонийы.

Æрæмбырдуæвджытæ ссардтой Стыр Фыдыбæстæйон хæсты чи фæмард, уыдон рухс нæмттæ иу минут æдзæмæй алæугæйæ.

Цхинвал, 2023 азы хурхæтæны мæйы 22-æм бон

Мемориальный комплекс «Брестская крепость-герой»

Хурхæтæны мæйы 22-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Республикæ Хуссар Ирыстоны Уæлвæткон æмæ Æххæстбарджын Минæвар Уæрæсейы Федерацийы Гасситы Знауыр хайад райстой Бресты (Беларусь) ацæугæ Стыр Фыдыбæстæйон хæсты амæттæгты Æппæтдунеон мысæн боны æмæ белоруссаг адæмы геноциды охыл мадзæлтты.

Хуссар Ирыстоны адæмы номæй мемориалон комплекс «Бресты гæнах- хъайтар»-ы Æнусон артмæ сæвæрдæуыд дидинтæ.

Памятник 13 осетинским коммунарам

Ирæтты геноциды амæттæгты Мысæн боны Республикæ Хуссар Ирыстоны Фæсарæйнаг хъуыддæгты министрады кусджытæ хайад райстой 13 ирон коммунары Мемориалон цыртмæ дидинтæ сæвæрыны церемонийы. 13 коммунары 1920 азы хурхæтæны мæйы 20-æм бон Згъудеры къуылдымыл æхст æрцыдысты гуырдзиаг меньшевикты къухæй.

Хуссар Ирыстоны 13:00 сахатыл расидтæуыд æппæтнацион æдзæмæй лæуд, Цхинвалы аргъуанты та ацыдысты ирон адæмы геноциды амæттæгты номарæн службæтæ.

Цхинвал, 2023 азы хурхæтæны мæйы 20-æм бон.

 

Открытие выставки картин Павла Хасиева

Хурхæтæны мæйы 15-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар бабæрæг кодта зынгæ ирон нывгæнæг, Советон Цæдисы æмæ Уæрæсейы Федерацийы Нывгæнджыты Цæдисы уæнг Хаситы Павелы нывты сæрмагонд равдыст, кæцы байгом Тыбылты Алыксандры номыл Хуссар Ирыстоны паддзахадон университеты (ХИПУ) музейон комплексы.