Сообщения МИД РЮО

Хурхæтæны мæйы 9-æм боны Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Австриаг Республикæйы Минæвар Патрик Поппелы, кæцы æрцыд Цхинвалмæ Республикæ Хуссар Ирыстоны Парламенты депутатты æвзæрстытæм æхсæнадæмон цæстдарæджы хуызы. 

Фембæлды рæстæджы Джиоты Æхсар бузныджы ныхæстæ загъта уазæгæн Республикæйы политикон цаутæм цымыдисдзинады фæдыл. Патрик Поппелы хъуыдымæ æвзæрстытæ цæуынц Республикæ Хуссар Ирыстоны закъон æмæ æхсæнадæмон æвзарæн стандарттæм гæсгæ. 

Цхинвал, 2024 азы хурхæтæны мæйы 9-æм бон

Хурхæтæны мæйы 8-æм боны Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Туркаг Республикæйы Минæвæртты Хоситы Бурхан æмæ Хъуысаты Садреттины, кæдон æрцыдысты Республикæ Хуссар Ирыстоны Парламенты æстæм æрсидты депутатты æвзæрстытæм æхсæнадæмон цæстдарджыты хуызы. 

Джиоты Æхсар бузныджы ныхæстæ загъта уазджытæн се ‘рцыды æмæ Хуссар Ирыстоны политикон цардмæ цымыдисдзинады фæдыл. Хоситы Б. æмæ Хъуысаты С. банысан кодтой æвзæрстыты ахсджиагдзинад Хуссар Ирыстоны дарддæры райрæзты, йæ политикон институттæ хуыздæр кæныны хъуыддаджы. 

Зæрдæвæрæны мæйы 29-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Республикæйы фыццаг къухдариуæггæнæг Хъуылымбегты Торезы бюстмæ дидинтæ æмæ веноктæ сæвæрыны церемонийы, кæцы ацыд Республикæ Хуссар Ирыстоны Хæдбардзинад расидыны акты райстæй 32 азы рацыды цытæн.

Мадзалы хайад райстой Хуссар Ирыстоны къухдариуæгад Президент Гаглойты Аланы сæргълæудæй, министрадты æмæ уагдæтты минæвæрттæ, Парламенты I æрсидты депутаттæ, Республикæйы æхсæнад.

Цхинвал, 2024 азы зæрдæвæрæны мæйы 29-æм бон

32 азы размæ, зæрдæвæрæны мæйы 29-æм бон Республикæ Хуссар Ирыстоны Уæлдæр Совет райста историон документ – Республикæ Хуссар Ирыстоны Хæдбардзинад расидыны фæдыл акт. 

Ацы документы райст æнæмæнг уыд хи паддзахад саразынæн, Хуссар Ирыстоны адæмы бартæ бахъахъхъæнынæн. Хæдбардзинады акт здæхт уыд адæмы фервæзын кæнынмæ Гуырдзыстоны ‘рдыгæй æдзухон геноцидæй. Уæдæй фæстæмæ райдыдта Республикæ Хуссар Ирыстоны æппæтварсон райрæзт æмæ размæдзыд. 

Приднестроваг Молдаваг Республикæйы Фæсарæйнаг хъуыддæгты министр Виталий Игнатьев рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ Республикæ Хуссар Ирыстоны Дипломатон кусæджы боны цытæн. 

Сæрмагондæй, арфæйы дзырдæуы:

Зæрдæвæрæны мæйы 21-æм бон Тыбылты Алыксандыры номыл Хуссар Ирыстоны Паддзахадон Университеты (ХИПУ) равдыстыты залы байгом къамты равдыст «Беслæн. Цæрынæн зæрдыл дарын», кæцыйы хайад райста Республикæ Хуссар Ирыстоны Фæсарæйнаг хъуыддæгты министр Джиоты Æхсар.

Беслæны скъолайы трагикон цауты охыл къамты равдыст бацæттæ кодтой Террористон актты амæттæгты ассоциаци «Беслæны мадæлтæ» æмæ ХИПУ.

Цхинвал, 2024 азы зæрдæвæрæны мæйы 21-æм бон

Зæрдæвæрæны мæйы 20-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд РЦИ-Аланийы Националон политикæ æмæ æддаг бастдзинæдты министрады Религиозон организацитæ æмæ экстремизмы профилактикæйы фæдыл хайады Сæрдар Цæллæгаты Артур æмæ æхсæнадон змæлд «Стыр Ныхас»-ы Сæрдары хæдивæг Зæгъойты Вячеславимæ, кæдон æрцыдысты Цхинвалмæ Зары трагедийæ 32 азы рацыды охыл мысæн мадзæлттæм.

Джиоты Æхсар бузныджы ныхæстæ загъта уазджытæн æмæ банысан кодта, се ‘рцыд уæлдай хатт дзурæг кæй у дыууæ Республикæйы адæмы иудзинадыл.

Зæрдæвæрæны мæйы 20-æм бон – гуырдзиаг агрессийы амæттæгты Мысæн æмæ хъынцъымы бон.

1992 азы зæрдæвæрæны мæйы гуырдзиаг хæстонтæ æмбæхст ранæй æгъатырæй ныццагътой, сæ цард фервæзын кæнынмæ Хуссар Ирыстонæй Цæгатмæ чи лыгъд, уыцы ирон æмбæстæгты. Ацы æгъатыр трагеди ирон адæмы историйы сау дамгъæтæй фыстæй баззайдзæн æнустæм. 

Ацы æбуалгъ фыдракæнды амæттæгтæ систы 33 æнаххос адæймаджы, уыдоны нымæцы сывæллæттæ, сылгоймæгтæ, зæрæдтæ. 

Зæрдæвæрæны мæйы 8-9 бонты Республикæ Хуссар Ирыстоны ацыдысты Стыр Фыдыбæстæйон хæсты советон адæмы Уæлахизæй 79 азы рацыды охыл цытджын мадзæлттæ.

Уæлахизы Боны хæдразмæ ацыд Кады аллейы Стыр Фыдыбæстæйон хæсты фæмардуæвджыты цыртдзæвæнмæ Кады гирляндæ сæвæрыны цытджын церемони. Церемонийы хайадисджытæ дидинтæ æмæ веноктæ сæвæрдтой Æнусон артмæ æмæ, æдзæмæй алæугæйæ, ссардтой Стыр Фыдыбæстæйон хæсты быдырты фæмардуæвджыты рухс нæмттæ.

Афтæмæй ма ацыд советон-уæрæсейаг фæдагурæг, Хуссар Ирыстонæй рацæугæ Лохты Иосифы фырт Владимирæн цырт бакæныны официалон церемони.

Стыр Фыдыбæстæйон хæсты Уæлахизы бонæй 79 азы рацыды цытæн Республикæ Хуссар Ирыстон æмæ Уæрæсейы Федерацийы Æддагполитикон уагдæтты Сæргълæуджытæ Джиоты Æхсар æмæ Сергей Лавров рарвыстой кæрæдзимæ арфæйы фыстæджытæ. 

Сæрмагондæй, Джиоты Æхсар йæ фыстæджы банысан кодта:

«Стыр Уæлахизы бæрæгбон æнгом кæны бирæ адæм æмæ фæлтæрты. Ацы бон у бирæнацион советон адæмы хъайтардзинад, æхсар, æгæрон тыхы бон. Адæм кæрæдзийы фарсмæ слæууыдысты фашизмы ныхмæ уæззау тохы.    

Хуымгæнæны мæйы 20-21 бонты Республикæ Хуссар Ирыстоны Фæсарæйнаг хъуыддæгты министрады Æххæстбарджын Минæвар Бенилюксы бæстæты Пухаты Радион хайад райста Европæ æмæ Цæгат Америкæйы бæстæты уæрæсейаг æмбæстæгты XVII Регионалон конференцийы. 

Конференцийы сæйраг здæхт уыд уæрæсейаг монон хъæздыгдзинад бахъахъхъæнын, æмæ дзы хайад райстой уæрæсейаг æмбæстæгты организациты координацион советты къухдариуæггæнджытæ, уæрæсейаг æмбæстæгты Регионалон æмæ Дунеон координацион советты уæнгтæ, 37 паддзахадæй общинæты минæвæрттæ. 

2024 азы хуымгæнæны мæйы 16-æм боны Республикæ Хуссар Ирыстоны Президент Гаглойты Аланы Барамындмæ гæсгæ Бигъуылаты Инна Зауырбеджы чызг нысан æрцыд Республикæ Хуссар Ирыстоны Фæсарæйнаг хъуыддæгты министры Хæдивæгæй. 

Биографион æрмæг:

Бигъуылаты Инна Зауырбеджы чызг райгуырд 1991 азы хуымгæнæны мæйы 8-æм бон Цхинвалы. 

Каст фæцис Тыбылты Алыксандры номыл Хуссар Ирыстоны Паддзахадон университеты экономикон факультет.